شوربه المشروم

طبق الشوربة
شوربة المشروم


المقادير:
• بصلة مقطعة قطعا صغيرة.
• 3 ملاعق دقيق.
• 3 ملاعق زبدة.
• ربع كيلو مشروم.
• كوب كريمة.
• ملح وفلفل.
• 5 أكواب شوربة فراخ.
• أوراق بقدونس للتزيين.
الطريقة:
• دي مفيش أسهل منها أول حاجة هاعملها هاقطّع المشروم..


• هاجيب حلة وأحط فيها شوية زبدة وأشوح فيها المشروم لمدة عشرة دقائق وطبعا هاضيف عليه الملح والفلفل.


• بعد كده هاخد حوالي كوب واحد من الشوربة وأحطها على المشروم وأخليه
على النار لمدة عشرة دقائق علشان يستوي وبعد كده هاطفي البوتجاز واسيب
المشروم لغاية ما يبرد.. وبعد ما يبرد هاضربه في الخلاط.



• هاحط شوية زبدة في طاسة وهاضيف ليها البصل واشوّح البصل على النار لمدة ربع ساعة.


• بعد كده هاضيف ليها الدقيق مع التقليب المستمر لغاية لون الدقيق يبقى
ذهبي وبعد كده هاحط كوب شوربة بالتدريج مع التقليب المستمر علشان الدقيق
ما يكلكعش وبعد كده هاضيف ملح وفلفل.


• هاجيب المشروم اللي ضربته في الخلاط واحطه في حلة على النار وهاضيف
إليه كوب الكريمة واسيبهم يغلوا كلهم مع بعض... وبعد كده هاحط باقي
الشوربة.


• هاجيب طبق الشوربة واحط فيه الشوربة.



ده الشكل النهائي لطبق الشوربة وعلى فكرة ممكن إنك تزيني الطبق ببعض أوراق البقدونس...
وبالهنا والشفا






منقول

مين الراجل الي في الصور ده ده مش مننا ولا منكم يبقي في حد غريب وسطنا ههههههههههه ميرسي اووووووووي يا دودو بس تعبه نفسك ليه بتتباع جهزه للخايبين الي زينا ههههههههههههه ميرسي يا قمررررر وقوليلي هتعمليها امتي بقي وادوقها من ايديك ولا هتخلعي ههههههههه

ميرسي يا على نورت التوبيك
ودودو ميييييين يا ماهى لما تشوفيها قوليلها انى معزومه معاكى

هههههههههههه كده خلعتي منها ماشي انا الكسبانه بردو مش ناقصه غسيل معده هههههههه

ميرسى